更新时间:2019-08-20
མ་སྐྱེས་ཨ་མ། • 我们的世界:བྱིས་པའི་འཇིག་རྟེན།
《ང་ཚོའི་འཇིག་རྟེན། 》བྱིས་པའི་མཐོང་སྣང་ལས་ཕབ་པའི་གློག་བརྙན་འདི་ཡི་བརྩེ་དུང་ཞིབ་ཚགས་ཆེ་ལ། ཐུགས་ཁུར་གྱི་ཟུར་ལས་བུད་པའི་བརྗོད་བྱ་རླབས་ཆེ་བར་སྙམ། བུད་མེད་ཀྱི་ནང་སེམས་ནི་ཆུང་དུས་ནས་ཚོར་སྐྱེན་ཟབ་ལ་ཉོག་འཛིང་ཆེ་བ་ཞིག་ཨང་། ང་ཚོ་ཚང་མ་ལ་འདི་དང་འདི་འདྲའི་གཏམ་རྒྱུད་དེ། མཛའ་གཅུགས་ལས་དང་ཐོག་གི་ཨ་གསར་དང་དེ་རྗེས་ཀྱི་རྒྱབ་འགལ། ཐ་ན་འཁོན་འཛིང་སོགས་ཡོད་སྲིད། གློག་བརྙན་དུ་ང་རང་ལ་བག་ཆགས་ཆེས་ཟབ་པ་ནི་མི་སྣ་གཙོ་བོའི་ནུ་བོ་ཆུང་ཆུང་དེའི་ཁ་ལས་ཅི་མི་སྙམ་པར་ཐོན་པའི་སྐད་ཆ་སྙིང་རྗེ་བོ་ཞིག་སྟེ། ཨ་ཅེས་ཁོ་ལ་ཁྱོད་ཀྱི་རྩེད་གྲོགས་དེས་ནམ་རྒྱུན་ཁྱོད་ལ་གཅར་ནའང་ཁྱོད་ད་དུང་ཁོ་དང་མཉམ་དུ་རྩེེ་དོན་ཅི་ཡིན་ཞེས་དྲིས་པར། ཁོས་ལན་དུ། ངས་ཀྱང་ཕྱིར་ཁོར་གཅར་ཡོད། ཡིན་ཡང་ཁོས་ཡང་སྐྱིན་པར་ང་ལ་གཅར་བྱུང་། དེ་ནས་ངེད་གཉིས་མཉམ་དུ་རྩེ་བ་ཡིན་ཞེས་ཟེར། ཨ་ཅེས་ཁོ་ལ་དེ་ན་ཁྱོད་ཀྱིས་ཕྱིར་ཁོར་མི་གཅར་དོན་ཅི་ཡིན་ཟེར་བར། ཁོས་ལན་དུ། དེ་ན་ངེད་གཉིས་ནམ་ཞིག་ལ་རྩེ་ཐུབ་ཨང་། ང་རྩེ་ན་འདོད་ཟེར། སྐད་ཆ་འདི་ནི་ཅི་འདྲའི་ཡིད་དུ་འོང་ཞིང་གནས་ལུགས་ཀྱིས་ཕྱུག་པ་ཞིག་རེད་ཨང་། ལེགས་བཤད་བྱིས་པའི་ཁ་ན་ཟེར་བ་ཅི་མ་བདེན། སྐད་ཆ་འདི་ནི་གློག་བརྙན་འདི་ཡི་ཆེས་གནད་འགག་གམ་མཐོ་རླབས་མཚོན་བྱེད་ཅིག་ཏུའང་མཐོང་།
![晴天[太阳]](/static/img/user_normal.jpg)