我觉得套戏好好睇, 日日追,够贴地,反映依家嘅怪兽家长同教育制度。香香嘅演技进步咗好多,有啲喊戏做得几好, 睇得出唔系滴眼药水. 个外母就超级讨厌,真系想一巴车落去。不过都系反映香港好多男人怕老婆,对外母仲好过对自己阿妈。香香除咗广东话不太正, 其他真系做得好, 并唔系d人话佢一味喺度嗌, 同妈妈同老公d戏都好细致投入!小朋友演得非常好,钟意就钟意,唔钟意就算点凼都唔钟意,仲要搅衰个面试。以前啲人讲竹门对竹门,木门对木门。其实真系有道理,两个人结婚唔单止系两个人嘅事,两家人点相处都系一门学问。#剧评#